ନୂଆଦିଲ୍ଲୀ: କଂଗ୍ରେସରେ ହେବ ବଡ଼ ପରିବର୍ତ୍ତନ । ଦଳର ଅଧ୍ୟକ୍ଷଙ୍କ ଦ୍ୱାରା ରାଜ୍ୟ ୟୁନିଟ୍ରେ କରାଯାଇପାରେ ଏହି ପରିବର୍ତ୍ତନ । ସମ୍ପ୍ରତି ହରିୟାଣା ଏବଂ ମହାରାଷ୍ଟ୍ରରେ ପରାଜୟ ପରେ କଂଗ୍ରେସ ଦଳକୁ ମଜବୁତ କରିବା ପାଇଁ ଏପରି ପଦକ୍ଷେପ ନେବାକୁ ଯୋଜନା ଚଳାଇଛି ।
ଆସନ୍ତା ୨୮ ତାରିଖରେ କଂଗ୍ରେସ ୧୪୦ ତମ ସ୍ଥାପନା ଦିବସ ପାଳନ କରିବ । ଏହା ପୂର୍ବରୁ ଦଳରେ କରାଯିବ ବଡ଼ ପରିବର୍ତ୍ତନ । ଦଳର ଅଧ୍ୟକ୍ଷଙ୍କ ଦ୍ୱାରା ରାଜ୍ୟ ୟୁନିଟରେ ହେବ ଏହି ପରିବର୍ତ୍ତନ। ସମ୍ପ୍ରତି ହରିୟାଣା ଏବଂ ମହାରାଷ୍ଟ୍ରରେ ପରାଜୟ ପରେ କଂଗ୍ରେସ ଏହାର ସାଂଗଠନିକ ଢାଞ୍ଚାକୁ ମଜବୁତ କରିବା ପାଇଁ ନୂତନ ପଦକ୍ଷେପ ନେବାକୁ ଯୋଜନା କରୁଛି। ଏହି ପରିବର୍ତ୍ତନଗୁଡିକ ଅଧୀନରେ ଅନେକ ରାଜ୍ୟ ୟୁନିଟ ଭଙ୍ଗାଯାଇ ନୂତନ ନିଯୁକ୍ତି କରାଯାଇପାରେ। କେନ୍ଦ୍ରୀୟ ତଥା ରାଜ୍ୟ ସ୍ତରରେ ଦଳର ରଣନୀତିକୁ ଏକ ନୂତନ ରୂପ ଦେବା ପାଇଁ ଏହି ପଦକ୍ଷେପ ନିଆଯାଇପାରେ। ଯାହା ଦ୍ୱାରା ଆସନ୍ତା ନିର୍ବାଚନ ପାଇଁ ଦଳର ପ୍ରସ୍ତୁତିରେ ଉନ୍ନତି ହୋଇପାରିବ।
