ନୂଆଦିଲ୍ଲୀ: ବର୍ତ୍ତମାନ ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେଉଛି । ଯାହାକୁ ଦେଖିଲେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ । ଭିଡିଓରେ ଏକ ବାଇକରେ ଦୁଇଜଣ ଯୁବକ ଏକ ଓଟ ସହିତ ଯାଉଥିବା ଦେଖାବାକୁ ମିଳୁଛି । ଓଟକୁ ବାଇକରେ ନେଉଥିବାର ବ୍ୟବସ୍ଥା ଦେଖି ଆପଣ ନିଶ୍ଚୟ ଆଶ୍ଚର୍ଯ୍ୟ ହୋଇଯିବେ । ଆପଣ ହୁଏତ ପୂର୍ବରୁ ଏହି ପ୍ରକାରର ଜୁଗାଡ୍ ଦେଖି ନଥିବେ । ଏହି ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି ।
ଯେତେବେଳେ କେହି ଓଟକୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନେବାକୁ ହୋଇଥାଏ ସେତବେଳେ ଏକ ବଡ ଖୋଲା ଗାଡିର ବ୍ୟବହାର କରିବାକୁ ପଡିଥାଏ । ଯେଉଁଥିରେ ଓଟ ଆରାମରେ ବସିପାରେ କିମ୍ବା ଠିଆ ହୋଇପାରେ, କିନ୍ତୁ ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଯୁବକମାନେ ଗାଡିର ମୂଲ୍ୟ ବଞ୍ଚାଇବା ପାଇଁ ଓଟକୁ ନିଜ ବାଇକରେ ବସାଇନେଇଯାଉଛନ୍ତି । ଭିଡିଓରେ ଏହା ସ୍ପଷ୍ଟ ଭାବରେ ଦେଖାଯାଇଛି ଯେ ଜଣେ ଯୁବକ ବାଇକ୍ ଚଳାଉଛନ୍ତି ଏବଂ ଜଣେ ଯୁବକ ଓଟକୁ ମଝିରେ ବସାଇ ପଛରେ ବସିଛନ୍ତି ।
ଭିଡିଓ ଦେଖିବା ପରେ, ଆପଣ ମଧ୍ୟ ଭାବିବାକୁ ବାଧ୍ୟ ହେବେ ଯେ ସେମାନେ କିପରି ଓଟକୁ ବାଇକ୍ ରେ ବସାଇଲେ? ଏହି ଯୁବକମାନଙ୍କର କୀର୍ତ୍ତି ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି । ଓଟ ସହିତ ବାଇକ୍ ରେ ତିନିଜଣ ହେବାପରେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ହେଉଥିବା ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ରେ ସେୟାର କରାଯାଇଛି । ଖବର ଲେଖା ହେବା ପର୍ଯ୍ୟନ୍ତ 2 ଲକ୍ଷରୁ ଅଧିକ ଲୋକ ଏହି ଭିଡିଓ ଦେଖିସାରିଛନ୍ତି । ଏହା ଉପରେ ଲୋକମାନେ ଅନେକ କମେଣ୍ଟ ମଧ୍ୟ ଦେଇଛନ୍ତି ।
ଏହା ଉପରେ ମନ୍ତବ୍ୟ ଦେଇ ଜଣେ ଉପଭୋକ୍ତା ଲେଖିଛନ୍ତି, ‘ଭାଇ, ଏହି ଦେଶ ବହୁତ ଅଗ୍ରଗତି କରୁଛି ।’ ଅନ୍ୟ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି, ‘ଆଜି ମୁଁ ପ୍ରଥମ ଥର ପାଇଁ ଓଟକୁ ବାଇକରେ ବସିଥିବାର ଦେଖିଲି’ । ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘ହେ ଭଗବାନ, କଣ କଣ ସବୁ ଦେଖିବାକୁ ପଡ଼ୁଛି ।’
