ନୂଆଦିଲ୍ଲୀ: ଚୀନ ସୀମାରେ ଭାରତର ରୋବୋଟିକ ସେନା । ରୋବୋଟିକ୍ ମୁଲସ୍ ଏବେ ଭାରତୀୟ ସେନା ପାଇଁ ବେଶ ସହାୟକ ହେଉଛି। ନିକଟରେ ଏଲଏସିରେ ଚୀନ ନିଜର ରୋବୋଟିକ୍ ଡଗ୍ ସ୍କ୍ୱାଡ୍ ମୁତୟନ କରିଛିି। ଚାଇନିଜ୍ ପିଏଲଏ ଏହି ରୋବୋଟିକ୍ କୁକୁରକୁ ୱେଷ୍ଟର୍ଣ୍ଣ ଥିଏଟର କମାଣ୍ଡରେ ସାମିଲ କରିଥିଲା। ପିଏଲ୍ଏ ଗ୍ରାଉଣ୍ଡ ଫୋର୍ସର ମିଳିତ ସଶସ୍ତ୍ର ବ୍ରିଗେଡ୍ର ଏକ ଅଭ୍ୟାସ ସମୟରେ ରୋବୋଟିକ୍ କୁକୁରର କିଛି ଭିଡିଓ ମଧ୍ୟ ସାମ୍ନାକୁ ଆସିଥିଲା। ବୈଷୟିକ ଜ୍ଞାନକୌଶଳ ଦୃଷ୍ଟିରୁ କେହି ତାଙ୍କ ସହ ପ୍ରତିଦ୍ୱନ୍ଦ୍ୱିତା କରିପାରିବେ ନାହିଁ ବୋଲି ଚୀନ୍ ଆଶା ରଖିଥିଲା । କିନ୍ତୁ ଭାରତ ଏହାକୁ ଭୁଲ୍ ପ୍ରମାଣିତ କରି ଦେଖାଇଛି। ଭାରତୀୟ ସେନା ମଧ୍ୟ ଏଲଏସିରେ ନିଜର ରୋବୋଟିକ୍ ସେନା ମୁତୟନ କରିବା ଆରମ୍ଭ କରିଛି ।
ଏକ ରୋବୋଟିକ୍ ମ୍ୟୁଲ କ’ଣ? ବର୍ତ୍ତମାନ ପର୍ଯ୍ୟନ୍ତ ସେନା ପରିବହନ ପାଇଁ ପଶୁମାନଙ୍କୁ ବ୍ୟବହାର କରୁଥିଲା, ଯେଉଁମାନେ ଉଚ୍ଚ ଅକ୍ଷାଂଶରେ ମାଲ ପରିବହନ କରୁଥିଲେ । ଏବେ ଧୀରେ ଧୀରେ ରୋବଟ୍ ସେମାନଙ୍କ ସ୍ଥାନ ନେଉଛି। ୭୭ତମ ସେନା ଦିବସ ଅବସରରେ ପ୍ରଥମ ଥର ପାଇଁ ଏହି ରୋବୋଟିକ୍ ସେନା ପ୍ରଦର୍ଶନ କରାଯାଇଥିଲା। ଭାରତୀୟ ସେନାକୁ ଆଶ୍ୱସ୍ତି ଦେବା ପାଇଁ ଏହି ରୋବୋଟିକ୍ ସେନାକୁ ବିଶେଷ ଭାବେ ନିୟୋଜିତ କରାଯାଇଛି। ତେବେ ଏହି ରୋବଟ୍ କେବଳ ମାଲ ପରିବହନ କରିବ ନାହିଁ । ଆବଶ୍ୟକ ପଡ଼ିଲେ ଗୁଳି ବି ଚଳାଇପାରିବ ।
