ନୂଆଦିଲ୍ଲୀ: ଇଣ୍ଡିଆ ଟିମ୍ର ଷ୍ଟାର କ୍ରିକେଟର ବିରା କୋହଲିଙ୍କୁ ଚେତାବନୀ ଦେଲା ବସିସିଆଇ । ଖରାପ ପ୍ରଦର୍ଶନ ଯୋଗୁ ତାଙ୍କ ଉପରେ ପ୍ରଶ୍ନ ଉଠାଯାଉଛି । ଭାରତୀୟ ଦଳକୁ ନ୍ୟୁଜିଲାଣ୍ଡ ବିପକ୍ଷରେ ଘରୋଇ ଟେଷ୍ଟ ସିରିଜରେ ୩-୦ରେ ପରାଜୟର ସାମ୍ନା କରିବାକୁ ପଡିଥିଲା। ଭାରତୀୟ ଦଳ ପ୍ରାୟ ୧୨ ବର୍ଷ ପରେ ନିଜ ଘରୋଇ ମାଟିରେ ଟେଷ୍ଟ ସିରିଜ ହାରିଛି। ସେହି ସମୟରେ ପ୍ରାୟ ୧୦ ବର୍ଷ ପରେ ଅଷ୍ଟ୍ରେଲିଆ ବିପକ୍ଷରେ ବର୍ଡର-ଗାଭାସ୍କର ଟ୍ରଫି ହାରିଗଲା। ତଥାପି ଭାରତୀୟ ଦଳର ବରିଷ୍ଠ ଖେଳାଳିମାନଙ୍କ ଉପରେ କ୍ରମାଗତ ଭାବରେ ପ୍ରଶ୍ନ ଉଠାଯାଉଛି। ଅଷ୍ଟ୍ରେଲିଆ ଗସ୍ତରେ ବିରାଟ କୋହଲି ଏବଂ ରୋହିତ ଶର୍ମା ଖରାପ ପ୍ରଦର୍ଶନ କରିଥିଲେ। ଏହି ଉଭୟ ଅଭିଜ୍ଞଙ୍କ ଟେଷ୍ଟ କ୍ୟାରିୟର ଉପରେ ପ୍ରଶ୍ନ ଉଠାଯାଉଛି।
ବିରାଟ କୋହଲିଙ୍କୁ ବିସିସିଆଇ ପକ୍ଷରୁ ଏକ ଚେତାବନୀ ମିଳିଛି। ଯେଉଁଥିରେ କୁହାଯାଇଛି ଯେ, ଯଦି ବିରାଟ କୋହଲି ରଣଜୀ ଟ୍ରଫିର ଅଂଶ ନୁହଁନ୍ତି, ତେବେ ତାଙ୍କୁ ଇଂଲଣ୍ଡ ଟେଷ୍ଟ ସିରିଜରୁ ବାଦ ଦିଆଯାଇପାରେ। ପ୍ରକୃତରେ ବିସିସିଆଇ ଚାହୁଁଛି ଯେ, ବିରାଟ କୋହଲି ରଣଜୀ ଟ୍ରଫିରେ ତାଙ୍କର ସମର୍ପଣ ଦେଖାଇବା ଉଚିତ । ଯଦି ସେ ଏପରି କରିବାରେ ବିଫଳ ହୁଅନ୍ତି, ତେବେ ତାଙ୍କୁ ଇଂଲଣ୍ଡ ଟେଷ୍ଟ ସିରିଜରୁ ବାଦ ଦିଆଯାଇପାରେ। ରଣଜୀ ଟ୍ରଫିରେ ଦିଲ୍ଲୀ ସୌରାଷ୍ଟ୍ରର ଚ୍ୟାଲେଞ୍ଜର ସମ୍ମୁଖୀନ ହେବ। ତଥାପି ଏହା ବିଶ୍ୱାସ କରାଯାଉଛି ଯେ, ବିରାଟ କୋହଲି ସୌରାଷ୍ଟ୍ର ବିପକ୍ଷରେ ପଡ଼ିଆକୁ ଓହ୍ଲାଇ ପାରନ୍ତି।
ଉଲ୍ଲେଖନୀୟ ଯେ, ଚାମ୍ପିଅନ୍ସ ଟ୍ରଫି ୨୦୨୫ ଫେବୃଆରୀ ୧୯ରୁ ଆରମ୍ଭ ହେଉଛି। ପ୍ରଥମ ମ୍ୟାଚ୍ରେ ପାକିସ୍ତାନ ଏବଂ ନ୍ୟୁଜିଲାଣ୍ଡ ଦଳ ପରସ୍ପରକୁ ମୁହାଁମୁହିଁ ହେବେ। ସେହି ସମୟରେ, ଭାରତୀୟ ଦଳ ବାଂଲାଦେଶ ବିପକ୍ଷରେ ତା’ର ଅଭିଯାନ ଆରମ୍ଭ କରିବ। ଭାରତ ଏବଂ ବାଂଲାଦେଶ ମଧ୍ୟରେ ମ୍ୟାଚ ୨୦ ଫେବୃଆରୀରେ ଖେଳାଯିବ। ପାକିସ୍ତାନ ଏହି ଟୁର୍ନାମେଣ୍ଟର ଆୟୋଜନ କରୁଛି, କିନ୍ତୁ ସୁରକ୍ଷା କାରଣରୁ ଭାରତୀୟ ଦଳ ପାକିସ୍ତାନ ଗସ୍ତ କରିବ ନାହିଁ। ତେଣୁ ଭାରତୀୟ ଦଳ ହାଇବ୍ରିଡ ମଡେଲ ଅନୁଯାୟୀ ଦୁବାଇରେ ଏହାର ମ୍ୟାଚ ଖେଳିବ।
