ପ୍ରୟାଗରାଜ: ମହାକୁମ୍ଭରେ ବୁଡ଼ ପକାଇଲେ ଆନ୍ଧ୍ରପ୍ରଦେଶ ଉପମୁଖ୍ୟମନ୍ତ୍ରୀ। ପରିବାର ସହ ବୁଡ଼ ପକାଇଲେ ପବନ କଲ୍ୟାଣ। ଏହା ସହ ଗଙ୍ଗା ମା’ଙ୍କ ଆରତୀ ବି କରିଥିଲେ ପୁରା ପରିବାର। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି।
ସାଉଥ ସୁପରଷ୍ଟାର ଏବଂ ଆନ୍ଧ୍ର ପ୍ରଦେଶର ଉପମୁଖ୍ୟମନ୍ତ୍ରୀ ମଙ୍ଗଳବାର ଦିନ ତାଙ୍କ ପତ୍ନୀ ଏନା ଲେଝନେଭାଙ୍କ ସହିତ ଉତ୍ତର ପ୍ରଦେଶର ପ୍ରୟାଗରାଜରେ ଆୟୋଜିତ ମହାକୁମ୍ଭ ମେଳାରେ ପହଞ୍ଚିଥିଲେ। ଏହି ସମୟରେ, ସେ ତାଙ୍କ ପତ୍ନୀଙ୍କ ସହିତ ତ୍ରିବେଣୀ ସଙ୍ଗମରେ ପବିତ୍ର ବୁଡ଼ ପକାଇଥିଲେ। ପବନ କଲ୍ୟାଣ ତାଙ୍କ ପତ୍ନୀ ଏନା ଏବଂ ପୁଅ ଅକିରା ନନ୍ଦନଙ୍କ ସହିତ ମହାକୁମ୍ଭରେ ପବିତ୍ର ବୁଡ଼ ପକାଇବା ପାଇଁ ପହଞ୍ଚିଥିଲେ।
ପବନ କଲ୍ୟାଣ ଏବଂ ତାଙ୍କ ପତ୍ନୀ ଏନା ପବିତ୍ର ସ୍ନାନ କରିବା ପୂର୍ବରୁ ହାତ ଯୋଡ଼ି ଗଙ୍ଗା ମାଙ୍କୁ ପ୍ରଣାମ କରିଥିଲେ। ଏହା ପରେ ପବନ କଲ୍ୟାଣ ଗଙ୍ଗା ମା’ଙ୍କ ଆରତୀ ମଧ୍ୟ କରିଥିଲେ। ପବନ କଲ୍ୟାଣଙ୍କ ପତ୍ନୀ ମଧ୍ୟ ଗଙ୍ଗା ମା’ଙ୍କ ଆରତୀ କରିଥିଲେ। ରୀତିନୀତି ଅନୁଯାୟୀ ଆରତୀ କରିବା ଗଙ୍ଗା ମାତାଙ୍କୁ ହାତ ଯୋଡ଼ି ପ୍ରଣାମ କରିଥିଲେ।
ପବନ କଲ୍ୟାଣ ତାଙ୍କ ଇନଷ୍ଟା ଆକାଉଣ୍ଟରେ ମହାକୁମ୍ଭର ଫଟୋ ମଧ୍ୟ ସେୟାର କରିଛନ୍ତି। ଗୋଟିଏ ଫଟୋରେ, ସେ ତାଙ୍କ ପତ୍ନୀଙ୍କ ସହିତ ଘାଟ ଆଡକୁ ଚାଲିଯାଉଥିବାର ଦେଖାଯାଉଛି। ଦ୍ୱିତୀୟ ଫଟୋରେ, ସେ ପବିତ୍ର ସ୍ନାନ ପରେ ତାଙ୍କ ପତ୍ନୀ ଏନାଙ୍କ ମଥାରେ ସିନ୍ଦୁର ଲଗାଇଥିବା ଦେଖିବାକୁ ମିଳିଛି। ପବିତ୍ର ବୁଡ଼ ପକାଇବା ପରେ, ତେଲୁଗୁ ସୁପରଷ୍ଟାର ତାଙ୍କ ପତ୍ନୀଙ୍କ ସହିତ ଡଙ୍ଗାରେ ବସି ବୁଲିଥିଲେ।
