ମୁମ୍ବାଇ: ସୁଟିଂ ସେଟରେ ଆହତ ହେଲେ ବଲିଉଡ ଅଭିନେତା ଅର୍ଜୁନ କପୁର । ସେ ତାଙ୍କର ଆଗାମୀ ଫିଲ୍ମ ‘ମେରେ ହଜବ୍ୟାଣ୍ଡ କି ବିବି’ ସେଟ୍ରେ ଆହତ ହୋଇଛନ୍ତି। ସେଟ୍ରେ ଏକ ଛାତ ଖସି ପଡ଼ିବାରୁ ଅଭିନେତାଙ୍କ ସହିତ, ସେଟରେ ଥିବା ଅନ୍ୟ କିଛି ଲୋକ ମଧ୍ୟ ଆହତ ହୋଇଥିବା ସାମ୍ନାକୁ ଆସିଛି। ଅଭିନେତା ‘ମେରେ ହଜବ୍ୟାଣ୍ଡ କି ବିବି’ ଫିଲ୍ମର ଏକ ଗୀତ ସୁଟିଂ କରୁଥିଲେ। ଏହି ସମୟରେ ଦୁର୍ଘଟଣା ଘଟିଥିଲା। ସମସ୍ତଙ୍କୁ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।
ଅର୍ଜୁନ କପୁରଙ୍କ ଫିଲ୍ମ ‘ମେରେ ହଜବ୍ୟାଣ୍ଡ କି ବିବି’ର ସୁଟିଂ ରୟାଲ ପାମ୍ସର ଇମ୍ପେରିଆଲ ପ୍ୟାଲେସରେ ଚାଲିଥିଲା। ଏଠାରେ ଅଭିନେତା ଫିଲ୍ମର ଏକ ଗୀତ ସୁଟିଂ କରୁଥିଲେ। ଏହି ସମୟରେ ହଠାତ୍ ସେଟର ଛାତ ଭୁଶୁଡ଼ି ପଡ଼ିବା ଯୋଗୁଁ ଅଭିନେତା ଆହତ ହୋଇଥିଲେ। କୁହାଯାଉଛି ଯେ, ଅର୍ଜୁନ କପୁରଙ୍କ ସହିତ, ଅଭିନେତା-ଫିଲ୍ମ ନିର୍ମାତା ଜ୍ୟାକି ଭଗନାନୀ ଏବଂ ନିର୍ଦ୍ଦେଶକ ମୁଦସର ଅଜିଜ୍ ମଧ୍ୟ ଦୁର୍ଘଟଣାରେ ଆହତ ହୋଇଛନ୍ତି।
