ମୁମ୍ବାଇ: ନିକଟରେ ଅଲଗା ହୋଇଛନ୍ତି ୟୁଜଭେନ୍ଦ୍ର ଚହଲ, ଧନଶ୍ରୀ ବର୍ମା। ଆଇନ ଅନୁଯାୟୀ ଏମାନଙ୍କ ଛାଡ଼ପତ୍ର କନଫର୍ମ ହୋଇଯାଇଛି। ଶୁଣିବାକୁ ମିଳିଛି କି ଚହଲ ଭରଣପୋଷଣ ବାବଦରେ ଧନଶ୍ରୀଙ୍କୁ ୬୦ କୋଟି ଟଙ୍କା ଦେବେ। ହେଲେ ଏହାକୁ ଧନଶ୍ରୀ ପରିବାର ପକ୍ଷରୁ ଖଣ୍ଡନ କରାଯାଇଛି। ଏବେ ପ୍ରଶ୍ନ ଉଠୁଛି ଧନଶ୍ରୀ ମଧ୍ୟ କୋଟି କୋଟି ଟଙ୍କା ରୋଜଗାର କରନ୍ତି। ଏପରି ପରିସ୍ଥିତିରେ ସେ ଭରଣପୋଷଣ ବାବଦରେ ଦାବି କରିପାରିବେ କି। ଯଦି ସ୍ୱାମୀ, ସ୍ତ୍ରୀ ସମାନ ରୋଜଗାର କରନ୍ତି କିମ୍ବା ସ୍ତ୍ରୀ ସ୍ୱାମୀଙ୍କ ଠାରୁ ଅଧିକ ରୋଜଗାର କରନ୍ତି, ତେବେ ସ୍ତ୍ରୀ ଭରଣପୋଷଣ ଦାବି କରିପାରିବ କି? ଏ ବିଷୟରେ ଆଇନ କ’ଣ କହୁଛି ଜାଣିବା।
କହି ରଖୁଛୁ ଯେ, ଭାରତୀୟ କ୍ରିକେଟ ଦଳର ଷ୍ଟାର ସ୍ପିନର ୟୁଜଭେନ୍ଦ୍ର ଚହଲ କୋଟି କୋଟି ଟଙ୍କା ରୋଜଗାର କରନ୍ତି। ରିପୋର୍ଟ ଅନୁସାରେ, ତାଙ୍କର ସମ୍ପତ୍ତିର ମୂଲ୍ୟ ୪୫ କୋଟି ଟଙ୍କା। ତାଙ୍କୁ ୨୦୨୫ ଆଇପିଏଲ ନିଲାମରେ ପଞ୍ଜାବ କିଙ୍ଗସ ରେକର୍ଡ ୧୮ କୋଟି ଟଙ୍କାରେ କିଣିଥିଲା। ଏପରି ପରିସ୍ଥିତିରେ, IPL ପରେ ତାଙ୍କର ରୋଜଗାର ଆହୁରି ବଢ଼ିବାକୁ ଯାଉଛି। ଧନଶ୍ରୀଙ୍କ ବିଷୟରେ କହିବାକୁ ଗଲେ, ସେ ମଡେଲିଂ, ନୃତ୍ୟ ଏବଂ ଅଭିନୟ ମାଧ୍ୟମରେ ମଧ୍ୟ କୋଟି କୋଟି ଟଙ୍କା ରୋଜଗାର କରନ୍ତି। ତାଙ୍କର ମୋଟ ସମ୍ପତ୍ତି ୨୪ କୋଟି ଟଙ୍କା। ସେ ଏକ ତେଲୁଗୁ ଫିଲ୍ମରେ ମଧ୍ୟ ଡେବ୍ୟୁ କରିବାକୁ ଯାଉଛନ୍ତି।
ସ୍ୱାମୀଙ୍କଠାରୁ ଅଲଗା ହେବା ପରେ ସ୍ତ୍ରୀର ଆର୍ଥିକବସ୍ଥା ବଜାୟ ରଖିବା ହେଉଛି ଭରଣପୋଷଣର ଉଦ୍ଦେଶ୍ୟ। ଏହି କ୍ଷେତ୍ରରେ ସ୍ତ୍ରୀଙ୍କ ଆବଶ୍ୟକତା ପୂରଣ କରାଯାଏ। ଜଣେ ସ୍ତ୍ରୀ କେବଳ ସେତେବେଳେ ଭରଣପୋଷଣ ଦାବି କରିପାରିବେ ଯଦି ତାଙ୍କ ସ୍ୱାମୀ ତାଙ୍କୁ ଛାଡପତ୍ର ଦେଇଥାଆନ୍ତି, ଯଦି ସେ ଛାଡପତ୍ର ପରେ ପୁନଃବିବାହ କରିନଥାନ୍ତି ଏବଂ ନିଜର ଆର୍ଥିକ ସ୍ଥିତି ବଜାୟ ରଖିବାକୁ ଅକ୍ଷମ ଥାନ୍ତି।
ଭରଣପୋଷଣ ସମ୍ପର୍କରେ କିଛି ନିୟମ ରହିଛି। ସେହି ସମୟରେ ଦେଖାଯାଇଛି କୋର୍ଟ ବିଭିନ୍ନ ମାମଲାରେ ମଧ୍ୟ ଅନେକ ରାୟ ଦେଇଛନ୍ତି। ସେମାନଙ୍କ ମତରେ, ଯଦି ଜଣେ ସ୍ତ୍ରୀ ତାଙ୍କ ରୋଜଗାରରେ ନିଜକୁ ପ୍ରତିପୋଷଣ କରିପାରିବେ, ତେବେ ସେ ଭରଣପୋଷଣ ଦାବି କରିପାରିବେ ନାହିଁ। ସେହିପରି, ଯଦି ପତ୍ନୀ କୌଣସି ବୈଧ କାରଣ ବିନା ସ୍ୱଛାକୃତ ଭାବରେ ତାଙ୍କ ସ୍ୱାମୀଙ୍କଠାରୁ ଅଲଗା ହୋଇଯାଇଛନ୍ତି କିମ୍ବା ଉଭୟ ପାରସ୍ପରିକ ସମ୍ମତିରେ ପୃଥକ ରହୁଛନ୍ତି କିମ୍ବା ଛାଡପତ୍ର ପରେ ସେ ଅନ୍ୟ କୌଣସି ସମ୍ପର୍କରେ ଜଡିତ ଅଛନ୍ତି, ତେବେ ସେ ଭରଣପୋଷଣ ପାଇଁ ଯୋଗ୍ୟ ନୁହଁନ୍ତି। କିଛି ମାମଲାରେ, କୋର୍ଟ ସ୍ପଷ୍ଟ କରିଛନ୍ତି ଯେ ଯଦି ପତ୍ନୀ ତାଙ୍କ ସ୍ୱାମୀଙ୍କଠାରୁ ଅଧିକ ରୋଜଗାର କରନ୍ତି କିମ୍ବା ସେ ତାଙ୍କ ରୋଜଗାରରେ ନିଜକୁ ପ୍ରତିପାଳନ କରିବାକୁ ସକ୍ଷମ ଅଛନ୍ତି, ତେବେ ଭରଣପୋଷଣ ଦାବି କରାପାରିବେ ନାହିଁ।
