ଘର ଏବଂ ଘରର ପ୍ରତ୍ୟେକ ଜିନିଷ କୌଣସି ନା କୌଣସି ପ୍ରକାରେ ବାସ୍ତୁ ସହିତ ଜଡିତ। ଘର ତିଆରି କରିବା ସମୟରେ କିମ୍ବା ଘର ପାଇଁ କୌଣସି ଜିନିଷ ଆଣିବା ସମୟରେ, ସବୁକିଛି ବାସ୍ତୁ ଅନୁସାରେ ହେବା ସମ୍ଭବ ନୁହେଁ।
ବାସ୍ତୁ ଅନୁସାରେ କିଛି ଜିନିଷ ଠିକ୍ ଥିଲେ ମଧ୍ୟ କିଛି ଜିନିଷ ଗମ୍ଭୀର ବାସ୍ତୁ ଦୋଷ ସୃଷ୍ଟି କରେ। ଏପରି ପରିସ୍ଥିତିରେ, ବାସ୍ତୁ ଦୋଷକୁ ସେହିପରି ଅଣଦେଖା କରାଯାଇପାରିବ ନାହିଁ। ଏହି କାରଣରୁ, ବାସ୍ତୁ ଶାସ୍ତ୍ରରେ ଏକ ଅତି ସରଳ ସମାଧାନ ଦିଆଯାଇଛି।
ବାସ୍ତୁ ଶାସ୍ତ୍ରରେ କିଛି ଚିତ୍ର କିମ୍ବା ଆକୃତିକୁ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ ଏବଂ ଯଦି ଏହି ଚିତ୍ର କିମ୍ବା ଆକୃତିଗୁଡ଼ିକୁ ଘରେ ରଖାଯାଏ, ତେବେ ବାସ୍ତୁ ଦୋଷ ଆପେ ଆପେ ସମାଧାନ ହୋଇଯାଏ। ଏହି ଶୁଭ ଚିତ୍ରଗୁଡ଼ିକ ମଧ୍ୟରୁ ଗୋଟିଏ ବିଷୟରେ ସୂଚନା ଦେଇଛନ୍ତି ଯାହା ହେଉଛି ଏକ ହଂସର ଚିତ୍ର। ଘରେ ହଂସର ଫଟୋ ରଖିବା ଶୁଭ ଏବଂ ଏହାକୁ ଘରେ ରଖିବା ଦ୍ୱାରା ବ୍ୟକ୍ତିକୁ କ’ଣ ଲାଭ ମିଳିଥାଏ।
ଯଦି ଆପଣ ହଂସର ଫଟୋ ହଲ, ଡ୍ରଇଂ ରୁମ କିମ୍ବା ଅତିଥି ରୁମରେ ରଖୁଛନ୍ତି, ତେବେ ଏହାକୁ ସେହି ରୁମର ପୂର୍ବ ଦିଗରେ ରଖନ୍ତୁ ।
ଯଦି ଆପଣ ଶୋଇବା ଘରେ ହଂସର ଫଟୋ ଲଗାଉଛନ୍ତି, ତେବେ ଏହାକୁ ଶୋଇବା ଘରର ଉତ୍ତର କାନ୍ଥରେ ରଖିବା ଶୁଭ।
ଯଦି ଆପଣ ଅଧ୍ୟୟନ ରୁମରେ ହଂସର ଫଟୋ ରଖୁଛନ୍ତି, ତେବେ ଏହାକୁ ସେହି ରୁମର ଉତ୍ତର-ପୂର୍ବ ଦିଗରେ ରଖନ୍ତୁ।
ଯଦି ଆପଣ ଆର୍ôଥକ ଲାଭ ଚାହୁଁଛନ୍ତି, ତେବେ ଆପଣଙ୍କ ଘରର ଡ୍ରଇଂ ରୁମ୍ କିମ୍ବା ଅତିଥି ରୁମ୍ରେ ହଂସର ଫଟୋ ଲଗାନ୍ତୁ। ଆପଣ ଗୋଟିଏ ଯୋଡ଼ି ହଂସର ଫଟୋ କିମ୍ବା ଗୋଟିଏ ହଂସର ଫଟୋ ମଧ୍ୟ ଲଗାଇପାରିବେ।
ଯଦି ଆପଣ ନକାରାତ୍ମକ ଶକ୍ତି ଦୂର କରିବାକୁ ଚାହୁଁଛନ୍ତି କିମ୍ବା ବ୍ୟବସାୟ ଏବଂ ଚାକିରିରେ ଉନ୍ନତି ଚାହୁଁଛନ୍ତି, ତେବେ ଆପଣଙ୍କ ଅଫିସ କିମ୍ବା ବ୍ୟବସାୟ ସ୍ଥାନରେ ହଂସର ଚିତ୍ର ରଖନ୍ତୁ। ଏହା ନକାରାତ୍ମକତାକୁ ହ୍ରାସ କରିବ ଏବଂ କାମରେ ସଫଳତା ଆଣିବ।
ହଂସ ହେଉଛି ମାତା ସରସ୍ୱତୀଙ୍କ ବାହନ। ଏପରି ପରିସ୍ଥିତିରେ, ଯଦି ଘରର ଅଧ୍ୟୟନ ଗୃହରେ ହଂସର ଚିତ୍ର ରଖାଯାଏ, ତେବେ ଦେବୀ ସରସ୍ୱତୀଙ୍କ ଆଶୀର୍ବାଦ ସର୍ବଦା ରହିଥାଏ ଏବଂ ଘର ଲୋକଙ୍କ ମଧ୍ୟରେ ଜ୍ଞାନ ପ୍ରସାରିତ ହୁଏ। ଏପରି ଘରେ କେବେବି ଶିକ୍ଷାର ଅଭାବ ହୁଏ ନାହିଁ।
ଯଦି ପିଲାମାନଙ୍କ ପାଠପଢ଼ା ଟେବୁଲରେ ହସର ପ୍ରତିମା ରଖାଯାଏ, ତେବେ ଆପଣଙ୍କ ପିଲାମାନେ କେବଳ ପାଠପଢ଼ାରେ ଅଗ୍ରଗତି କରିବେ ନାହିଁ ବରଂ ପ୍ରତ୍ୟେକ ପରୀକ୍ଷାରେ ମଧ୍ୟ ସଫଳ ହେବେ। ପାଠପଢ଼ା ଟେବୁଲ ଉପରେ ଥିବା ହଂସର ପ୍ରତିମା ପିଲାମାନଙ୍କୁ ସେମାନଙ୍କ ପାଠପଢ଼ାରେ ଧ୍ୟାନ ଦେଇଥାଏ।
ଶୟନ କକ୍ଷରେ ଦୁଇ ଯୋଡ଼ା ହଂସର ଫଟୋ ରଖିବାର ଅନେକ ଲାଭ ଅଛି। ଶୟନ କକ୍ଷରେ ଏହି ଚିତ୍ର ରଖିବା ଦ୍ୱାରା ବୈବାହିକ ଜୀବନ ଉପରେ ଶୁଭ ପ୍ରଭାବ ପଡ଼ିଥାଏ।
