ମୁମ୍ବାଇ: ଖିଲାଡି ଷ୍ଟାରଙ୍କ ଫିଲ୍ମକୁ ଫ୍ଲପ୍ କହି ସୋସିଆଲ ମିଡିଆରେ ଟ୍ରୋଲର ଶିକାର ହେଲେ ଜୟା ବଚ୍ଚନ। ଅକ୍ଷୟ କୁମାରଙ୍କ ଟଏଲେଟ୍, ଏକ ପ୍ରେମ କଥା ଫିଲ୍ମକୁ ଏକ ସାକ୍ଷାତକାରରେ ଖରାପ କହିଛନ୍ତି ଜୟା ବଚ୍ଚନ। ଯାହା ପରେ ସୋସିଆଲ ମିଡିଆରେ ଟ୍ରୋଲ କରିଛନ୍ତି ଫିଲ୍ମର ପ୍ରଶଂସକ।
ଗତ କିଛି ବର୍ଷ ଧରି, ଅକ୍ଷୟ କୁମାର ଏପରି ଫିଲ୍ମ କରୁଛନ୍ତି ଯାହା କେବଳ ମନୋରଞ୍ଜନ କରେ ନାହିଁ ବରଂ ଏକ ସାମାଜିକ ବାର୍ତ୍ତା ମଧ୍ୟ ଦିଏ। ତାଙ୍କର ଏପରି ଫିଲ୍ମ ତାଲିକାରେ ଟଏଲେଟ୍, ଏକ ପ୍ରେମ କଥା ଏବଂ ପ୍ୟାଡମ୍ୟାନ୍ ଅନ୍ତର୍ଭୁକ୍ତ। ଟଏଲେଟ୍ ଏକ୍ ପ୍ରେମ କଥା ବିଷୟରେ କହିବାକୁ ଗଲେ, ଏହାକୁ ଦର୍ଶକ ବହୁତ ପସନ୍ଦ କରିଥିଲେ ଏବଂ ଏହା ବକ୍ସ ଅଫିସରେ ହିଟ୍ ହୋଇଥିଲା କିନ୍ତୁ ଅଭିନେତ୍ରୀ ଜୟା ବଚ୍ଚନ ଅକ୍ଷୟଙ୍କ ଏହି ଫିଲ୍ମର ମଜା ଉଡ଼ାଇଛନ୍ତି।
ପ୍ରକୃତରେ, ଏହି ବରିଷ୍ଠ ଅଭିନେତ୍ରୀ ଇଣ୍ଡିଆ ଟିଭି କନକ୍ଲେଭରେ କହିଥିଲେ, “ଫିଲ୍ମର ଶୀର୍ଷକ ଦେଖନ୍ତୁ, ମୁଁ କେବେବି ଏପରି ନାମ ଥିବା ଫିଲ୍ମ ଦେଖିବାକୁ ଯିବି ନାହିଁ, ଏହା କ’ଣ ଏକ ନାମ? ଏହା କ’ଣ ପ୍ରକୃତରେ ଏକ ନାମ?” ତା’ପରେ ସେ ପଚାରିଲେ ଯେ ଦର୍ଶକଙ୍କ ପାଇଁ ଏପରି ନାମ ଥିବା ଫିଲ୍ମ ଦେଖିବା ଠିକ୍ ହେବ କି? ଏତେ ଲୋକଙ୍କ ମଧ୍ୟରୁ, କ୍ୱଚିତ୍ ଚାରି ଜଣ ଲୋକ ଏହି ଚଳଚ୍ଚିତ୍ର ଦେଖିବାକୁ ଚାହାଁନ୍ତି; ଏହା ବହୁତ ଦୁଃଖଦ। ଏହା ଏକ ଫ୍ଲପ୍।”
ଆପଣଙ୍କୁ କହି ରଖୁଛୁ ଯେ ଅକ୍ଷୟ କୁମାର ଏବଂ ଭୂମି ପେଡନେକର ଟଏଲେଟ୍ ଏକ୍ ପ୍ରେମ କଥାରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଫିଲ୍ମର କାହାଣୀକୁ ପସନ୍ଦ କରିଥିଲେ ଦର୍ଶକ। ଏବଂ ଫିଲ୍ମଟି ବକ୍ସ ଅଫିସରେ ଭଲ ହିଟ୍ ହୋଇଥିଲା। ୧୮ କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମଟି ସାରା ବିଶ୍ୱରେ ୩୧୬ କୋଟି ଟଙ୍କା ରୋଜଗାର କରିଥିଲା।
ଅକ୍ଷୟ କୁମାରଙ୍କ କାର୍ୟ୍ୟକ୍ଷେତ୍ର ବିଷୟରେ କହିବାକୁ ଗଲେ, ସାମାଜିକ ବାର୍ତ୍ତା ଉପରେ ଆଧାରିତ ଅନେକ ଫିଲ୍ମର ଅଂଶ ହେବା ପରେ, ଅକ୍ଷୟ କୁମାର ଏହି ବର୍ଷ ଅନେକ କମେଡି ଫିଲ୍ମରେ ନଜର ଆସିଥିଲେ। ତାଙ୍କୁ ଶେଷ ଥର ପାଇଁ ‘ସ୍କାଏଫୋର୍ସ’ରେ ଦେଖିବାକୁ ମିଳିଥିଲା ଯାହା ଦେଶପ୍ରେମରେ ପରିପୂର୍ଣ୍ଣ ଥିଲା।
