ନୂଆଦିଲ୍ଲୀ: ଦୀର୍ଘ ଦିନର ଗୃହ ଯୁଦ୍ଧ ପରେ ସିରିଆରେ ଶାସନ ବଦଳିଛି। ଜାତୀୟ ପତାକା ମଧ୍ୟ ବଦଳିଛି। ଏଥିସହିତ ରାଜଧାନୀ ଦାମସକର ଭାବମୂର୍ତ୍ତି ମଧ୍ୟ ବଦଳିଛି। ବିଦ୍ରୋହୀମାନଙ୍କ ଦ୍ୱାରା ସମଗ୍ର ଦମାସ୍କସ୍ କମ୍ପିତ ହୋଇଛି। ବିଦ୍ରୋହୀମାନେ ଅସଦ ପରିବାରର ୫୪ ବର୍ଷର ଶାସନକୁ ଶେଷ କରିଥିବାରୁ ସିରିଆର ରାଜଧାନୀରେ ସ୍ୱାଧୀନତାର ଜୟଗାନ କରାଯାଉଛି।
ବିଦ୍ରୋହୀମାନେ ରାଜଧାନୀ ରାସ୍ତାରେ ଅସଦ ପରିବାରର ଚିହ୍ନ ଓ ପ୍ରତିମୂର୍ତ୍ତିକୁ ଭାଙ୍ଗି ଦେଇଛନ୍ତି। ଏପରିକି ବିଦ୍ରୋହୀମାନେ ସିରିଆର ରାଷ୍ଟ୍ରପତି ଭବନକୁ କାବୁ କରିଛନ୍ତି। ଏହାରି ମଧ୍ୟରେ ରାଷ୍ଟ୍ରପତି ଭବନର କିଛି ଚିତ୍ର ସାମ୍ନାକୁ ଆସିଛି। ରାଷ୍ଟ୍ରପତି ଭବନ ଭିତରେ ଅସଂଖ୍ୟ ଲୋକେ ପଶିବା ସହ ମଜା କରିଥିଲେ। ହାତରେ ଯାହା ଆସିଲା ସବୁ ଜିନିଷ ଉଠାଇ ନେଇଗଲେ। କିଛି ଲୋକ ଥାଳି ଏବଂ ଅନ୍ୟାନ୍ୟ ଘରୋଇ ସାମଗ୍ରୀ ନେଇ ପଳାଇଥିଲେ। ଅନେକ ମହିଳା ସାମିଲ ଥିଲେ। ଟେବୁଲ, ସୋଫା, ଲାଇଟ ଘରର ଅନେକ ସାମଗ୍ରୀକୁ ବିଦ୍ରୋହୀ ବୋହି ନେଇ ଯାଇଥିଲେ।
ସିରିଆରୁ ଏହିପରି ଅନେକ ଚିତ୍ର ବାହାରୁଛି, ଯାହା ଆମକୁ ଶ୍ରୀଲଙ୍କା, ଆଫଗାନିସ୍ତାନ ଏବଂ ବାଂଲାଦେଶକୁ ମନେ ପକାଉଛି । ତାଲିକାରେ ସିରିଆ ହେଉଛି ଚତୁର୍ଥ ଦେଶ, ଯେଉଁଠାରେ ବିଦ୍ରୋହୀମାନେ ଧରିବା ପରେ ରାଷ୍ଟ୍ରପତି ଦେଶ ଛାଡି ପଳାଇଛନ୍ତି । ଏହି ସମୟରେ, ସିରିଆରୁ ଏହିପରି ଅନେକ ଚିତ୍ର ଏବଂ ଭିଡିଓ ବାହାରିଥିଲା, ଯେଉଁଥିରେ ଲୋକମାନେ ରାଷ୍ଟ୍ରିୟ ଭବନ ଭିତରେ ଲୁଟ୍ ଏବଂ ହଙ୍ଗାମା କରୁଥିବା ଦେଖାଯାଇଥିଲା । ସେହିଭଳି ଶ୍ରୀଲଙ୍କାର ରାଷ୍ଟ୍ରପତି ଭବନ, ବାଂଲାଦେଶର ବଙ୍ଗ ଭବନ ଏବଂ କାବୁଲରୁ ମଧ୍ୟ ଏହିପରି ଲୁଟ୍ ଦେଖିବାକୁ ମିଳିଥିଲା । ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ସିରିଆର ଦୟନୀୟ ସ୍ଥିତି ।
ରାଷ୍ଟ୍ରପତି ଭବନକୁ କବ୍ଜା କରିନେଇଛନ୍ତି ବିଦ୍ରୋହୀ । ରାଷ୍ଟ୍ରପତି ଭବନରେ ପଶି ଲୋକେ ଉତ୍ପାତ କରୁଛନ୍ତି । ସବୁ ଦାମୀ ଜିନିଷ ଲୁଟି ନେବା ସହ ଆସବାବ ପତ୍ର ଭାଙ୍ଗି ରୁଜି ଏଣେତେଣେ ଫୋପାଡିଦେଇଛନ୍ତି । ଏମିତିକି ସାମାଗ୍ରୀ ସବୁ ବୋହିନେବାକୁ ଲୋକଙ୍କ ମଧ୍ୟରେ ପ୍ରତିଯୋଗିତା ଚାଲୁଥିବାର ଦେଖିବାକୁ ମିଳିଛି ।
