ନୂଆଦିଲ୍ଲୀ: କ’ଣ ନୂଆ ନୋଟ୍ ଆସିଗଲା କି? ଭାରତରେ ନୋଟ୍ ଜାରି କରିବାର ଅଧିକାର ଭାରତୀୟ ରିଜର୍ଭ ବ୍ୟାଙ୍କର ଅଛି। ଆରବିଆଇ କେବଳ ଫଟା ନୋଟର ଅଭାବ ପୂରଣ କରେ ନାହିଁ ବରଂ ଆବଶ୍ୟକ ହେଲେ ନୂତନ ନୋଟ ମଧ୍ୟ ଜାରି କରେ। ୨୦୧୬ରେ ବିମୁଦ୍ରାକରଣ ପରେ, ପୁରୁଣା ୫୦୦ ଏବଂ ୧୦୦୦ ଟଙ୍କା ନୋଟ୍ ପ୍ରଚଳନରୁ ବାହାରି ଯାଇଥିଲା। ଏହା ପରେ RBI ୫୦୦ ଏବଂ ୨୦୦୦ ଟଙ୍କାର ନୂତନ ନୋଟ୍ ଜାରି କରିଥିଲା। ଏହା ପରେ, ଭାରତରେ ମଧ୍ୟ ନୂତନ ୨୦୦ ଟଙ୍କାର ନୋଟ୍ ଜାରି କରାଯାଇଥିଲା।
୨୦୨୩ ମସିହାରେ ଆରବିଆଇ ୨୦୦୦ ଟଙ୍କାର ନୋଟ୍ ପ୍ରତ୍ୟାହାର କରିନେଇଥିଲା, ଯାହା ଫଳରେ ୫୦୦ ଟଙ୍କାର ନୋଟ୍ ଦେଶର ସବୁଠାରୁ ବଡ଼ ମୂଲ୍ୟର ନୋଟ୍ ଭାବରେ ରହିଗଲା। ସାରା ଦେଶରେ ସୋସିଆଲ ମିଡିଆ ବ୍ୟାପକ ଭାବରେ ଉପଲବ୍ଧ ହେଉଥିବାରୁ, ଲୋକମାନେ ପ୍ରାୟତଃ ଭାଇରାଲ ହେଉଥିବା ଫଟୋ ସେୟାର କରନ୍ତି। ଏବେ, ୩୫୦ ଟଙ୍କା ଏବଂ ୫ ଟଙ୍କା ନୋଟର କିଛି ଫଟୋ ସାମ୍ନାକୁ ଆସିଛି, ଯାହାକୁ RBI ଦ୍ୱାରା ଜାରି କରାଯାଇଥିବା ଦାବି କରାଯାଉଛି।
ତଥାପି, ଏଗୁଡ଼ିକ ନୂଆ ଚିତ୍ର ନୁହେଁ ଏବଂ ସମାନ ଚିତ୍ର ତିନି ବର୍ଷ ପୂର୍ବେ ମଧ୍ୟ ସାମ୍ନାକୁ ଆସିଥିଲା। ଏହି ସମସ୍ତ ଚିତ୍ର ନକଲି ଏବଂ ଦେଶରେ RBI କୌଣସି ନୂତନ ମୂଲ୍ୟର ନୋଟ୍ ଜାରି କରିନାହିଁ। ବିଦ୍ୟମାନ ମୂଲ୍ୟଗୁଡ଼ିକ ହେଉଛି ୫ ଟଙ୍କା, ୧୦ ଟଙ୍କା, ୨୦ ଟଙ୍କା,୫୦ ଟଙ୍କା, ୧୦୦ଟଙ୍କା, ୨୦୦ଟଙ୍କା ଏବଂ ୫୦୦ ଟଙ୍କା। ୫ ଟଙ୍କାର ନୋଟ୍ ଥିବା ବେଳେ, RBI କୌଣସି ନୂତନ ଡିଜାଇନ୍ ୫ ଟଙ୍କାର ନୋଟ୍ ଜାରି କରିନାହିଁ। ଆରବିଆଇ ୨ ଏବଂ ୫ ଟଙ୍କା ନୋଟ୍ ଛାପିବା ବନ୍ଦ କରିଦେଇଛି, କିନ୍ତୁ ବଜାରରେ ଥିବା ନୋଟ୍ଗୁଡ଼ିକ ବୈଧ ଟେଣ୍ଡର ଭାବରେ ରହିଛି।
