ମୁମ୍ବାଇ: ଚାନ୍ଦୁ ମୋଣ୍ଡେତିଙ୍କ ନିର୍ଦ୍ଦେଶିତ ‘ଥାଣ୍ଡେଲ’ ଫେବୃଆରୀ ୭ ତାରିଖରେ ସିନେମା ହଲରେ ମୁକ୍ତିଲାଭ କରିବ। ‘ଥାଣ୍ଡେଲ’ର ଟ୍ରେଲର ରିଲିଜ୍ ପୂର୍ବରୁ ଗତକାଲି ସନ୍ଧ୍ୟା ୭.୪୧ରେ ରିଲିଜ୍ ହୋଇଥିଲା। ନାଗା ଏବଂ ସାଇଙ୍କ ଫିଲ୍ମର ଟ୍ରେଲରକୁ ପ୍ରଶଂସକମାନେ ପସନ୍ଦ କରୁଛନ୍ତି। କିଛି ଘଣ୍ଟା ମଧ୍ୟରେ ଫିଲ୍ମର ଟ୍ରେଲରକୁ ବହୁତ ଭଲ ପ୍ରତିକ୍ରିୟା ମିଳିଛି। ଥାଣ୍ଡେଲର ଟ୍ରେଲରକୁ ୟୁଟ୍ୟୁବରେ ଭଲ ପ୍ରତିକ୍ରିୟା ମିଳୁଛି। ୧୭ ଘଣ୍ଟା ମଧ୍ୟରେ ଏହି ଫିଲ୍ମଟିକୁ ୭.୧ ମିଲିୟନ ଦର୍ଶକ ଦେଖିଛନ୍ତି। ଏହା ସମୟ ବଢ଼ିବା ସହିତ ବୃଦ୍ଧି ମଧ୍ୟ ପାଉଛି।
ନାଗା ଚୈତନ୍ୟ ଏବଂ ସାଇ ପଲ୍ଲବୀ ଅଭିନୀତ ଚଳଚ୍ଚିତ୍ର ଥାଣ୍ଡେଲର ଟ୍ରେଲର ଜାନୁଆରୀ ୨୮ ତାରିଖରେ ବିଶାଖାପାଟଣାରେ ଲଞ୍ଚ କରାଯାଇଥିଲା। ଏହି ଫିଲ୍ମଟି ଏକ ଦେଶପ୍ରେମ ପ୍ରେମ କାହାଣୀ, ଯେଉଁଥିରେ ବହୁତ ଡ୍ରାମା ଏବଂ ରୋମାନ୍ସ ରହିଛି। ଥାଣ୍ଡେଲ ଫେବୃଆରୀ ୭ ତାରିଖରେ ମୁକ୍ତିଲାଭ କରିବାକୁ ଯାଉଛି।
ନାଗା ଚୈତନ୍ୟ ଏକ୍ସରେ ଫିଲ୍ମର ଟ୍ରେଲର ସେୟାର କରି ଲେଖିଛନ୍ତି, “ପ୍ରେମ, ସାହସ ଏବଂ ଦେଶପ୍ରେମର କାହାଣୀ।” ୭ ଫେବୃଆରୀ ଧୁଲ୍ଲାକୋଟେୟାଲା ସିନେମା ଘରେ ସମସ୍ତଙ୍କ ସହ ଦେଖା ହେବ। ଦୁଇ ଘଣ୍ଟା ବାଇଶ ମିନିଟର ଏହି ଟ୍ରେଲରରେ ରାଜୁ (ନାଗ ଚୈତନ୍ୟ) ଏବଂ ବୁଜ୍ଜୀ (ସାଇ ପଲ୍ଲବୀ)ଙ୍କ ଜୀବନୀ ଦେଖାଯାଇଛି। ରାଜୁ ଜଣେ ମତ୍ସ୍ୟଜୀବୀ ଯିଏ ସାଇ ପଲ୍ଲବୀଙ୍କୁ ବହୁତ ଭଲ ପାଉଥିବ। ସମୁଦ୍ରରେ ରାଜୁ ଏକ ଅଭିଯାନ ସମୟରେ ପାକିସ୍ତାନୀ ସୀମା ପାର କରିଦେଇଥିବ। ଯାହା ପାଇଁ ପାକିସ୍ତାନ ସେନା ଦ୍ୱାରା ଗିରଫ ହୋଇଥିବ। ଏଭଳି କାହାଣୀକୁ ନେଇ ଫିଲ୍ମ ଗତିଶୀଳ ହୋଇଛି।
