ବେଙ୍ଗାଲୁରୁ: ସାଧାରଣତଃ ଅଧିକାଂଶ ଲୋକେ ଘରେ କୁକୁର ରଖିବାକୁ ପସନ୍ଦ କରିଥାନ୍ତିି । ସେଥିଲାଗି ବଜାରରେ ବିଭିନ୍ନ ପ୍ରକାରର ହାଇବ୍ରିଡ଼ କୁକୁର ଉପଲବ୍ଧ ହେଉଛି । ଯାହା ଦେଖିବାକୁ ବହୁତ ସୁନ୍ଦର ଓ ବଡ଼ ହୋଇଥାନ୍ତି । ତେଣୁ ଲୋକେ ଘରେ ବିଭିନ୍ନ ପ୍ରଜାତିର କୁକୁର ରଖିଥାନ୍ତି । ଆଉ ତାର ଯତ୍ନ ବି ନିଅନ୍ତି । ନିକଟରେ ଏକ କୁକୁରର ଫଟୋ ସୋସିଆଲ ମିଡିଆରେ ସେୟାର କରାଯାଇଥିଲା ଯାହା ଦୁନିଆର ସବୁଠୁ ଦାମୀ କୁକୁର । ଆଉ ଏହାର ଦାମ ଜାଣିଲେ ଆପଣଙ୍କ ହୋସ୍ ଉଡ଼ିଯିବ । ବେଙ୍ଗାଲୁରୁର ଜଣେ ବ୍ୟକ୍ତି ଏହି ଦାମୀ କୁକୁର କିଣି ଚର୍ଚ୍ଚାକୁ ଆସିଛନ୍ତି । ଏହି କୁକୁରର ଦାମ୍ ୫.୭ ନିୟୁତ ଡଲାର ଅର୍ଥାତ୍ ଭାରତୀୟ ମୁଦ୍ରାରେ ୫୦ କୋଟି ଟଙ୍କା।
କୁକୁରର ମାଲିକ ଏସ୍ ସତୀଶ ଜଣେ ପ୍ରସିଦ୍ଧ କୁକୁର ପ୍ରଜନନକାରୀ ଏବଂ ମହଙ୍ଗା ପ୍ରଜାତିର କୁକୁରର ମାଲିକ ଭାବରେ ବେଶ୍ ଜଣାଶୁଣା। ସେ ବହୁତ ମୂଲ୍ୟ ଦେଇ କାଡାବୋମ୍ବ ଓକାମି ନାମକ ଏହି ବିରଳ ‘ଓଲ୍ଫଡଗ୍ କିଣିଛନ୍ତି। ଏହି ଅନନ୍ୟ କୁକୁରଟି ୱଲ୍ଫ ଏବଂ କକେସିଆନ ସେଫର୍ଡଙ୍କ ମଧ୍ୟରେ ଏକ କ୍ରସ ବ୍ରିଡ୍ । ଏହାକୁ ବିଶ୍ୱର ସବୁଠାରୁ ମହଙ୍ଗା କୁକୁର ମଧ୍ୟରୁ ଗୋଟିଏ ବୋଲି ମଧ୍ୟ ବିବେଚନା କରାଯାଏ। ଏହା ଆମେରିକାରେ ଜନ୍ମିତ, କାଡାବୋମ୍ସ ଓକାମି ମାତ୍ର ଆଠ ମାସର ଏବଂ ତାଙ୍କର ଓଜନ ୫ କିଲୋଗ୍ରାମରୁ ଅଧିକ। ସେ ପ୍ରତିଦିନ ୩ କିଲୋଗ୍ରାମ କଞ୍ଚା ମାଂସ ଖାଏ। ଏହା ମୁଖ୍ୟତଃ ଏକ ରକ୍ଷକ ପ୍ରଜାତି । ଏହାର ସୁରକ୍ଷା ପ୍ରବୃତ୍ତି ଏବଂ ବୁଦ୍ଧିମତା ପାଇଁ ଜଣାଶୁଣା ।
ବେଙ୍ଗାଲୁରୁର ଏସ ସତୀଶ, ଯାହାଙ୍କ ପାଖରେ ବିଭିନ୍ନ ପ୍ରଜାତିର ୧୫୦ରୁ ଅଧିକ କୁକୁର ଅଛି । ଏବେ ତାଙ୍କ ପାଖରେ ଏହି ବିରଳ କୁକୁର ରହିଛି । ସତୀଶ କହିଛନ୍ତି, ମୁଁ ଏହି କୁକୁରକୁ କିଣିବା ପାଇଁ ୫୦ ନିୟୁତ ଟଙ୍କା ଖର୍ଚ୍ଚ କରିଛି। କାରଣ ମୁଁ କୁକୁରମାନଙ୍କ ପ୍ରତି ଆଗ୍ରହୀ । ମୁଁ ଅନନ୍ୟ କୁକୁରମାନଙ୍କୁ ପ୍ରଜନନ କରି ଭାରତରେ ପରିଚିତ କରିବାକୁ ଚାହୁଁଛି। ଏହି ବିଳାସପୂର୍ଣ୍ଣ କୁକୁରଟି ଇଣ୍ଡିଆନ ଡଗ୍ ବ୍ରିଡର୍ସ ଆସୋସିଏଶନର ସଭାପତି ସତୀଶଙ୍କୁ ବିକ୍ରି କରାଯାଇଥିଲା। ସେ ଲୋକଙ୍କ ଆଗରେ ତାଙ୍କର ସୁନ୍ଦର କୁକୁରମାନଙ୍କୁ ଦେଖାଇ ଟଙ୍କା ରୋଜଗାର କରନ୍ତି । ୩୦ ମିନିଟ ପାଇଁ ୨୮୦୦ ଡଲାର ଓ ୫ ଘଣ୍ଟା ପାଇଁ ୧୧,୭୦୦ ଡଲାର ପର୍ଯ୍ୟନ୍ତ ରୋଜଗାର କରନ୍ତି।
ସତୀଶ ଆହୁରି କହିଛନ୍ତି ଯେ, ସେ ଏହି କୁକୁରମାନଙ୍କ ପାଇଁ ଟଙ୍କା ଖର୍ଚ୍ଚ କରନ୍ତି, କାରଣ ଏଗୁଡ଼ିକ ବିରଳ। ଏହା ବ୍ୟତୀତ, ଲୋକମାନେ ସବୁବେଳେ ଏଗୁଡ଼ିକୁ ଦେଖିବାକୁ ଆଗ୍ରହୀ ଥିବାରୁ ଯଥେଷ୍ଟ ଟଙ୍କା ରୋଜଗାର କରିନ୍ତି । ତାଙ୍କ ପାଖରେ ଥିବା ଭିନ୍ନ ଭିନ୍ନ କୁକୁରକୁ ଲୋକେ ଦେଖିଲେ ତା ପାଖରେ ଛିଡ଼ା ହୋଇ ସେଲ୍ଫି ଏବଂ ଫଟୋଗ୍ରାଫ ନିଅନ୍ତି । ଫିଲ୍ମ ସ୍କ୍ରିନିଂରେ ସେ ଏବଂ ତାଙ୍କ କୁକୁର ଯେକୌଣସି ଅଭିନେତାଙ୍କ ଅପେକ୍ଷା ଅଧିକ ଆକର୍ଷିତ ହୋଇଥାନ୍ତି ।
ସତୀଶଙ୍କର ଏକ ବିରଳ ଚାଉଚାଉ କୁକୁର ମଧ୍ୟ ଅଛି, ଯାହାକୁ ସେ ଗତ ବର୍ଷ ପ୍ରାୟ ୩.୩୫ ମିଲିୟନରେ କିଣିଥିଲେ। ଏହି ସମସ୍ତ କୁକୁରମାନଙ୍କର ଭଲ ଯତ୍ନ ନିଆଯାଇଥାଏ। ସେମାନେ ୭ ଏକର ବିଶିଷ୍ଟ ଫାର୍ମରେ ରୁହନ୍ତି, ଯେଉଁଠାରେ ପ୍ରତ୍ୟେକଙ୍କର ୨୦ ଫୁଟର ଗୋଟିଏ କୋଠରି ଅଛି। ତାଙ୍କର ଚାଲିବା ଏବଂ ଦୌଡ଼ିବା ପାଇଁ ପର୍ଯ୍ୟାପ୍ତ ସ୍ଥାନ ଅଛି। ତାଙ୍କର ଯତ୍ନ ନେବା ପାଇଁ ଛଅ ଜଣ ଲୋକ ରହିଛନ୍ତି । ସହରର ପାଗ ଥଣ୍ଡା ହୋଇଥିବାରୁ ସେମାନଙ୍କୁ ଏୟାର କଣ୍ଡିଶନିଂର ଆବଶ୍ୟକତା ନାହିଁ, କିନ୍ତୁ ସେମାନଙ୍କର ଭଲ ଭାବରେ ଯତ୍ନ ନିଆଯାଉଛି।
