ନୂଆଦିଲ୍ଲୀ: ଋଷ ଓ ୟୁକ୍ରେନ ଯୁଦ୍ଧରେ ୟୁକ୍ରେନର ରୋବଟ୍ ସେନା ଏକ ବଡ଼ ସଫଳତା ପାଇଛି। ୟୁକ୍ରେନର ରୋବଟ୍ ସେନା ପ୍ରଥମ ଯୁଦ୍ଧ ଜିତିଲା । ୟୁକ୍ରେନର ନ୍ୟାସନାଲ ଗାର୍ଡ ବ୍ରିଗେଡ୍ ନିକଟରେ ଏକ ମିଳିତ ରୋବୋଟିକ୍ ଅପରେସନ୍ କରିଥିଲା, ଯେଉଁଥିରେ ଭୂମି ଭିତ୍ତିକ ରୋବୋଟିକ୍ ଯାନ ଏବଂ ଡ୍ରୋନ୍ ମିଶି ଋଷ ଦ୍ୱାରା ଅଧିକୃତ ଖାର୍କିଭ୍ ପ୍ରଦେଶରେ ଆକ୍ରମଣ କରିଥିଲା। ୟୁକ୍ରେନର ଏହି ରୋବଟ୍ ସେନା ସେପ୍ଟେମ୍ବରରେ ହୋଇଥିବା ଅପରେସନ୍ ସମୟରେ ମଧ୍ୟ ସଫଳତା ହାସଲ କରିଥିଲା। ତେବେ ସେପ୍ଟେମ୍ବର ମାସର ପ୍ରୟୋଗ ଏକ ପରୀକ୍ଷଣ ଥିଲା। ଏହା ପରେ ରୋବଟ ସେନାକୁ ଡିସେମ୍ବରରେ ଯୁଦ୍ଧ କ୍ଷେତ୍ରକୁ ଛଡା ଯାଇଥିଲା।
ୟୁକ୍ରେନ ଅଭିଯାନରେ ସୁଦୂର ନିୟନ୍ତ୍ରିତ ଫ୍ଲାଇଙ୍ଗ ସିସିଟିଭି ଏବଂ ଖଣି ଖନନକାରୀ ଡ୍ରୋନ୍, ଗ୍ରାଉଣ୍ଡ ଏବଂ ଏରିଆଲ୍ ଏକପାଖିଆ ବ୍ଲାଷ୍ଟର ରୋବଟ୍ ଏବଂ ବନ୍ଧୁକଧାରୀ ବଟ୍ ଅନ୍ତର୍ଭୁକ୍ତ ଥିଲା। ୟୁକ୍ରେନର ୧୩ତମ ନ୍ୟାସନାଲ ଗାର୍ଡ ବ୍ରିଗେଡର ଜଣେ ମୁଖପାତ୍ର ଏହାକୁ ଏକ ବଡ଼ ଧରଣର ସଫଳତା ବୋଲି କହିଛନ୍ତି। ଏକ ଛୋଟ ସାଇଟରେ ଏକାସାଙ୍ଗରେ ଦଶହଜାର ୟୁନିଟ୍ ରୋବୋଟିକ୍ ଏବଂ ମାନବ ବିହୀନ ଉପକରଣ ବ୍ୟବହାର କରି ରୁଷିଆ ବିରୋଧରେ ୟୁକ୍ରେନ ଏହି ସଫଳତା ହାସଲ କରିଛି।
ୟୁକ୍ରେନ ଏକ ସମୟରେ ରୋବଟ୍ ସେନା ବ୍ୟବହାର କରିଛି, ଯେତେବେଳେ ଏହାର ସୈନିକଙ୍କ ସଂଖ୍ୟା କ୍ରମାଗତ ଭାବେ ହ୍ରାସ ପାଉଛି। ୩୪ ମାସର ଯୁଦ୍ଧରେ ହଜାର ହଜାର ୟୁକ୍ରେନ ସୈନିକଙ୍କର ମୃତ୍ୟୁ ଘଟିଛି। ତେବେ ୟୁକ୍ରେନ ସୌନ୍ୟଙ୍କ ତୁଳନାରେ ରୁଷିଆର ପ୍ରାୟ ଦୁଇଗୁଣା ସୌନିକ ଆହତ ହୋଇଛନ୍ତି। ରୋବଟ୍ ତଦାରଖ ଏବଂ ଆକ୍ରମଣ ନେଇ ବିଶେଷଜ୍ଞ କହିଛନ୍ତି ପ୍ରଥମ ବିଜୟ ସତ୍ତ୍ୱେ ଏହାର ମଧ୍ୟ ସମସ୍ୟା ରହିଛି।
