ନୂଆଦିଲ୍ଲୀ: ଆଜି ଆମେ ଦୁନିଆର ସବୁଠୁ ଦାମୀ କାର ବିଷୟରେ ଆଲୋଚନା କରିବା । ହଁ, କିଛି କାରକୁ ଦୁନିଆର ସବୁଠୁ ଦାମୀ କାର ଭାବରେ ବିବେଚନା କରାଯାଇଛି । ଆସନ୍ତୁ ଜାଣିବା ଏହି ଦାମୀ କାର ବିଷୟରେ। ଯାହାର ପ୍ରକୃତ ଦାମ ଶୁଣିଲେ ଆପଣଙ୍କ ଉଡ଼ିଯିବ ହୋସ। କାରଣ ଏହି କାର ଦାମ ଲକ୍ଷ ଲକ୍ଷଙ୍କର ନୁହେଁ ବରଂ କୋଟି କୋଟିରେ କିଣାଯାଏ।
ଦୁନିଆର ସବୁଠୁ ଦାମୀ କାରଗୁଡିକର ତାଲିକା କ୍ରମାଗତ ଭାବରେ ବଦଳିଥାଏ, କିନ୍ତୁ କିଛି ବ୍ରାଣ୍ଡ ସବୁବେଳେ ଶୀର୍ଷରେ ରହିଥାଏ । ଏଥିମଧ୍ୟରେ ରୋଲ୍ସ ରୋଏସ୍, ବୁଗାଟୀ, ପେଗାନୀ ଭଳି କାର ଏହି ଦାମୀ କାର ଲିଷ୍ଟରେ ସାମିଲ ହୋଇଛି । ଏହି କାରଗୁଡିକର ମୂଲ୍ୟ କୋଟି ଟଙ୍କା ଏବଂ ସେଗୁଡିକ ତିଆରି କରିବାରେ ବହୁତ ସ୍ୱତନ୍ତ୍ର ସାମଗ୍ରୀ ଏବଂ ପ୍ରଯୁକ୍ତିବିଦ୍ୟା ବ୍ୟବହୃତ ହୁଏ ।
ବର୍ତ୍ତମାନ, ରୋଲ୍ସ-ରୋଏସ୍ ଲା ରୋଜ୍ ନୋଇର୍ ଡ୍ରପ୍ ଟେଲ୍ ଦୁନିଆର ସବୁଠାରୁ ମହଙ୍ଗା କାର ଭାବରେ ପରିଗଣିତ ହୋଇଛି । ଏହି କାରର ମୂଲ୍ୟ ହେଉଛି ୨୫୧,୨୪ କୋଟି ଟଙ୍କା । ଏହାକୁ କିଣିବା ସମସ୍ତଙ୍କ ପାଖରେ ନାହିଁ । ଏହା ପରେ ରୋଲ୍ସ ରୋଏସ୍ ବୋଟ ଟେଲର ନାମ ଏହି ତାଲିକାରେ ଆସେ । ଏହି କାରର ମୂଲ୍ୟ ୨୩୪.୦୪କୋଟି ଟଙ୍କା । ତୃତୀୟ ସ୍ଥାନରେ ବୁଗାଟୀ ଲା ଭୋଏଟ୍ ନୋଏରର ନାମ ରହିଛି, ଯାହାର ମୂଲ୍ୟ ୧୫୬.୪୮କୋଟି ଟଙ୍କା ।
ଏହା ପରେ ଚତୁର୍ଥ ସ୍ଥାନରେ ପେଗାନୀ ଜୋଣ୍ଡା ଏଚପି ବାରଖେଟା ଯାହାର ମୂଲ୍ୟ ୧୪୨.୩୭ କୋଟି ଟଙ୍କା ଏବଂ ପଞ୍ଚମ ସ୍ଥାନରେ ଏସପି ଅଟୋମୋବାଇଲ୍ ଅଲଟ୍ରା କାରର ନାମ ରହିଛି। ଏହି କାରର ବର୍ତ୍ତମାନର ମୂଲ୍ୟ ହେଉଛି ୧୨୦.୬୦କୋଟି ଟଙ୍କା । ଏହା ପରେ ରୋଲ୍ସ-ରୋଏସ୍ , ବୁଗାଟୀ ସେଣ୍ଟୋଡିସି, ମର୍ସିଡିଜ୍ ମାୟାବାକ୍ ଏକ୍ସେଲେରୋ, ପେଗାନୀ ହୁଏରା କୋଡାଲୁଙ୍ଗା, ବୁଗାଟୀ ଡିଭୋଙ୍କ ନାମ ଆସିଛି । ଏହି କାରଗୁଡିକ ଦୁନିଆର ଶ୍ରେଷ୍ଠ ୧୦ଟି ମହଙ୍ଗା କାରରେ ଅନ୍ତର୍ଭୁକ୍ତ ।
