ନୂଆଦିଲ୍ଲୀ: ଆଜିକାଲି ପ୍ରତ୍ୟେକ ପର୍ବପର୍ବାଣୀରେ ହାତରେ ମେହେନ୍ଦୀ ଲଗାଇବା ଏକ ପ୍ରକାର ଫ୍ୟାଶନ ହୋଇଗଲାଣି । ଖାସ୍କରି ବିବାହ ସମୟରେ ବରକନ୍ୟାଙ୍କ ସହିତ ଘରର ମହିଳାମାନେ ହାତରେ ମେହେନ୍ଦୀ ଲଗାଉଛନ୍ତି । ହେଲେ ଏବେ ସୋସିଆଲ ମିଡିଆରେ ଜଣେ ମହିଳାଙ୍କ ମେହେନ୍ଦୀ ଭାଇରାଲ ହେଉଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ମହିଳା ଜଣକ ବିବାହ ପରଠାରୁ ଛାଡ଼ପତ୍ର ପର୍ଯ୍ୟନ୍ତ ପ୍ରତ୍ୟକ ସ୍ମୃତିକୁ ମେହେନ୍ଦୀରେ ଉତାରିଛନ୍ତି ।
ପ୍ରେମ, ମିଳନ ଏବଂ ସୁଖର ପ୍ରତୀକ ଭାବରେ ବର ସହିତ ପାରମ୍ପାରିକ ଭାବରେ ଜଡିତ, ମେହେନ୍ଦୀ ବର୍ତ୍ତମାନ ହୃଦୟ ବିଦାରକ ଏବଂ ଛାଡପତ୍ରର କାହାଣୀ କହିବା ପାଇଁ ବ୍ୟବହୃତ ହୋଇଛି । ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ମେହେନ୍ଦୀରେ ଜଣେ ମହିଳା ତାଙ୍କ ବିବାହର ପରଠାରୁ ଛାଡପତ୍ର ଯାଏଁ ପ୍ରତ୍ୟେକ ଦୁଃଖକୁ ଚିତ୍ରିତ କରିଛନ୍ତି । ବରଯାତ୍ରୀ ଠାରୁ ନେଇ ସ୍ୱାମୀଙ୍କ ବିଶ୍ୱାସଘାତକତା ଏବଂ ମହିଳାଙ୍କ ଯନ୍ତ୍ରଣା ମେହେନ୍ଦୀରେ ଉତାରିଛନ୍ତି।
ଉର୍ବଶୀ ଭୋରା ଶର୍ମା ନାମକ ଜଣେ ଉପଭୋକ୍ତା ସୋସିଆଲ ମିଡିଆ ରେ ଏହି ଭିଡିଓ ସେୟାର କରିଛନ୍ତି । ଜଣେ ମହିଳା ତାଙ୍କ ହାତରେ ମେହେନ୍ଦୀ ଡିଜାଇନ ମାଧ୍ୟମରେ ତାଙ୍କ ବିବାହିତ ଜୀବନରେ ଆସିଥିବା ଦୁଃଖ ବିଷୟରେ କହିଛନ୍ତି। ଏହି ଭିଡ଼ିଓକୁ ଦେଖିବା ପରେ ଅନେକ ମହିଳାଙ୍କ ମେହେନ୍ଦୀକୁ ପ୍ରଶଂସା କରିଥିବା ବେଳେ ଆଉ କିଛି ଦୁଃଖ ପ୍ରକାଶ କରିଛନ୍ତି ।
